​Krasniqi: Epiteti për Tonin dhe Distrian i bën nder tërë Kosovës

Xhudo

​Krasniqi: Epiteti për Tonin dhe Distrian i bën nder tërë Kosovës

Më: 18 dhjetor 2021 Në ora: 21:35
Driton Kuka

Kryetari i Partisë Demokratike të Kosovës, Memli Krasniqi pasi Federata Ndërkombëtare e Xhudos, shpalli Driton Kukën trajneri më i mirë në botë dhe Distria Krasniqin, xhudistja më e mirë në botë, ka thënë se ky epitet, mëse i merituar për të dy sportistët tanë elitarë, u bën nder jo vetëm Tonit e Distrias, por tërë Kosovës.

Ai ka shkruar në Facebook se është krenarë me kampionët.

Postimi i plotë

Toni e Distria - më të mirët në botë!

Miku im, punëtori i palodhur, trajneri më i trofeshëm kosovar, Driton Kuka, sonte është shpallur trajneri më i mirë i xhudos në botë për vitin 2021. Në Kosovë e kemi ditur kaherë, por sonte jemi posaçërisht të lumtur për Tonin që këtë epitet e fitoi edhe nga vet Federata Ndërkombëtare e Xhudos.

Këtë titull ia konfirmoi edhe Distria Krasniqi sonte, e cila u shpall, po ashtu, xhudistja më e mirë në botë. Vetëm gjatë këtij viti, Toni me ekip ia sollën Kosovës dhjetëra medalje ndërkombëtare, ndër to edhe dy medalje Olimpike. Prandaj, ky epitet, mëse i merituar për të dy sportistët tanë elitarë, u bën nder jo vetëm Tonit e Distrias, por tërë Kosovës. Shumë i lumtur e krenar për ju, kampionë

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat