Media e madhe spanjolle pa fjalë për vajzën e Kosovës: Brenda 30 sekondave...

Xhudo

Media e madhe spanjolle pa fjalë për vajzën e Kosovës: Brenda 30 sekondave...

Kemajl Goca Nga Kemajl Goca Më 7 shkurt 2026 Në ora: 23:00
Distria Krasniqi

Xhudistja Distria Krasniqi, fitoi medaljen e artë në  kategorinë -52 kg në  turneun prestigjioz “Grand Slam në  Paris.

Ajo sot tregoi fuqinë ndaj spanjolles Ariane Toro.

Media e madhe spanjolle “Marca” është e befasuar me vashën nga Kosova.

“Ariane Toro fiton medaljen e argjendtë në Grand Slamin e Parisit"’,-  është titulli i gazetës spanjolle “Marca”.

Ariane Toro (-52 kg) u stolis me medaljen e argjendtë në Grand Slamin e xhudos në Paris, pasi u mposht në finale nga garuesja e Kosovës Distria Krasniqi, dy herë kampione bote dhe numri një i botës.

Xhudistja spanjolle arriti në finale pas një fitoreje bindëse me ippon ndaj gjermanes Mascha Ballhaus.

Megjithatë, në duelin për të artën u përball me një kundërshtare shumë të fortë. \

Krasniqi, kampione olimpike në Tokio (kur garonte në -48 kg) dhe dy herë kampione bote në -52 kg, tregoi superioritet të plotë që në fillim të ndeshjes, duke realizuar ippon brenda 30 sekondave.

Për Toron, e renditur e shtata në botë, kjo ishte humbja e katërt ndaj Krasniqit në gjashtë përballje direkte, duke u detyruar të kënaqet me medaljen e argjendtë”, ka shkruar media spanjolle.

comment Për komente lëvizni më poshtë
Sot mund të lexoni Shfletoni kopertinat