Prestigjiozja franceze befason për trimëreshën e Kosovës: Pengesa ishte tepër e madhe

Xhudo

Prestigjiozja franceze befason për trimëreshën e Kosovës: Pengesa ishte tepër e madhe

Nga: K.Goca Më: 16 prill 2026 Në ora: 16:51
Xhudistja Distria Krasniqi

Xhudistja Distria Krasniqi është kampione e Evropës në kategorinë – 52 kg.

Prestigjiozja franceze “L’equipe” ka shrkuar me titull: “Amandine Buchard mposhtet në finale të Kampionatit Evropian në -52 kg nga numri 1 në botë”. 

‘Amandine Buchard u desh të kënaqej me medaljen e argjendtë në Tbilisi.

Në paraqitjen e saj të parë në Kampionatin Evropian që nga viti 2023, Buchard u detyrua të mjaftohej me medaljen e argjendtë këtë të enjte në Tbilisi (Gjeorgjia), në kategorinë -52 kg.

Francezja u mposht në finale nga kosovarja Distria Krasniqi, numri një në botë dhe nënkampione olimpike.

Pengesa ishte tepër e madhe për Buchard

. E përballur me Krasniqin (30 vjeçe), numri 1 në botë dhe nënkampione olimpike në Paris 2024, francezja u mposht të enjten në finalen e Kampionatit Evropian në Tbilisi (Gjeorgji) në kategorinë -52 kg.

E befasuar që në fillim nga një yuko, ajo nuk arriti të rikuperojë disavantazhin dhe kështu u detyrua të kënaqet me medaljen e argjendtë në tatamitë gjeorgjiane, të cilat ajo i pëlqen shumë”, ka shkruar mediumi francez.

“Sa herë që kam luftuar në Gjeorgji, kam fituar dhe gjithmonë jam përkrahur aty”, kishte shpjeguar ajo në intervistë para garës.

“Buchard (30 vjeçe), e cila tashmë e ndan karrierën mes xhudos dhe rugbit, me synimin për të marrë pjesë në Los Angeles 2028 në të dy sportet, fitoi medaljen e saj të gjashtë evropiane.

comment Për komente lëvizni më poshtë
Sot mund të lexoni Shfletoni kopertinat