​Sot nis aplikimi për subvencionimin e teksteve shkollore në e-Kosova

Aktuale

​Sot nis aplikimi për subvencionimin e teksteve shkollore në e-Kosova

Më: 15 gusht 2025 Në ora: 18:11
Ilustrim

Qytetarët nga sot mund të aplikojnë për subvencionimin e teksteve shkollore në platformën e-Kosova.

Sikurse dy vjetët e kaluar, mjetet do të dalin në xhirollogaritë e qytetarëve aplikues, ka njoftuar ministrja në detyrë e MASHTI-t Arbërie Nagavci.

MASHTI do të ndajë nga 80 euro për nxënësit nga klasa 1 deri në klasën e 5 për blerjen e teksteve dhe materialeve mësimore, 80 euro për nxënësit nga klasa 6 deri në klasën e 9 për blerjen e fletoreve të punës dhe materialeve mësimore, raporton KosovaPress.

Tekstet do të përdoren nga gjenerata e kaluar sipas udhëzimit administrativ pajisja e nxënësve me tekste shkollore, përdorimi dhe ruajtja e tyre.

Drejtoritë Komunale të Arsimit janë njoftuar me kohë se çdo aplikim do të verifikohet nga shkollat përkatëse dhe pas verifikimit do të bëhet transferi i mjeteve.

comment Për komente lëvizni më poshtë
Sot mund të lexoni Shfletoni kopertinat