Posta e Kosovës lanson pullat postare `Bimët e shkrepave gurore të Kosovës`

Aktuale

Posta e Kosovës lanson pullat postare `Bimët e shkrepave gurore të Kosovës`

Më: 20 mars 2026 Në ora: 13:35
Posta e Kosovës lanson pullat postare `Bimët e shkrepave gurore të Kosovës`

Posta e Kosovës, në bashkëpunim me Fakultetin e Shkencave Matematike-Natyrore, përkatësisht Katedrën e Biologjisë, ka lansuar emisionin më të ri të pullave postare me temë “Bimët e shkrepave gurore të Kosovës”.

Hapësirat shkëmbore të Kosovës strehojnë një florë të veçantë dhe të qëndrueshme, e përshtatur për të mbijetuar në kushte të ashpra. Pavarësisht terrenit të thatë dhe sfidues, këto bimë dallohen për formën e tyre unike dhe përfaqësojnë bukurinë e egër dhe qëndrueshmërinë e natyrës sonë, duke qenë një pjesë e rëndësishme e trashëgimisë botanike të vendit.

Në kuadër të këtij emisioni, qytetarëve u vihen në dispozicion dy pulla postare, një bllok filatelik dhe Zarfi i Ditës së Parë, të cilat do të jenë në qarkullim postar deri në konsumimin e plotë.

Posta e Kosovës u bën thirrje koleksionistëve, institucioneve dhe qytetarëve që t’i shtojnë këto pulla në koleksionet e tyre, duke theksuar se ato, përveç funksionit komunikues, shërbejnë edhe si promovuese të vlerave natyrore dhe kulturore të Kosovës në botë.

comment Për komente lëvizni më poshtë
Sot mund të lexoni Shfletoni kopertinat