Rushiti krenar me vashat kampione: Ne do të vazhdojmë suksese edhe në të ardhmen

Basketboll

Rushiti krenar me vashat kampione: Ne do të vazhdojmë suksese edhe në të ardhmen

Nga: Vllaznim Bytyçi Më: 13 maj 2022 Në ora: 12:50
Rushiti krenar me vashat kampione: Ne do të vazhdojmë suksese edhe në të ardhmen

Basketbollistet e KBF Junior 06 janë kampine të Kosovës. Ato edhe në ndeshjen e dytë finale të “Play-off”-it kanë shënuar fitore ndaj Kerasan Prishtinës. Kësaj radhe prizrenaset triumfuan në Prishtinë me shifrat 66:58.

Ky duel sa ishte interesant aq edhe dramatik për basketbollistet e trajnerit Ramush Rushiti, pasi lojtaret e këtij klubi kishin luajtur në fianle edhe më parë, por që nuk e kishin siguruar titullin e kampionit. Kësaj radhe titulin e kërkuan me çdo kusht, sepse kishin krijuar përvojë si dhe cilësi të lojës individuale e kolektive.  

Lojën e kanë nisur më mirë vendëset, të cilat, të prira nga Olsa Tahiri, në dhjetëminutëshin e parë shënuan 18 pikë. Vendëset, ndërkaq, realizuan 14. Mirëpo, dhjetëminutëshi i dytë ishte dukshëm në favor të kampioneve. Ato aplikua lojë me mbrojtje të ngjeshur dhe efikasitet të lartë. Shënuan 26 pikë, kurse pranuan vetëm 8. Me shifrat 20:40 skuadrat shkuan në pushim. 

Edhe fillimi i pjesës së dytë u takoi prishtinaseve, të cilat realizuan 16 pikë, përballë 12 pikëve të vendësve. Kjo bëri që epërsia paksa të zvogëlohej (36: 52). Madje, vendëset vazhduan të tregohen më efikase edhe në dhjetëminutëshin e katërt, kur arritën të ngushtojnë disavantahin në vetëm -2 pikë. Megjithatë, dyshja Bilalli-Gashi u përkujdesën që ky takim të përfundojë me fitore të prizrenaseve me shifrat 66:58.

Për fitoren e vashave të ekipit “Junior 06: kontriubuan të gjitha lojtaret, veçmas: Merisa Bilalli me 22, Yllka Morina me 16, Yllza Uka e Klea Gashi me nga 12, si dhe Nazmije Çukiçi me 4 pikë të realizuara. Ndërkaq, tek skuadra e K.Prishtinës u veçuan: O.Tahiri e E.Rexhepi.

“Kemi qenë të përgatitur në të gjitha aspektet për t’u shpallur kampionë këtë vit, për çka edhe ia dolëm. Falënderoj angazhimin e të gjitha lojtareve, stafit të trajnerëve, anëtart e kryesisë dhe në veçanti donatorët si dhe përkrahësit e klubit tonë për këtë kurorëzim. Ne do të vazhdojmë me punë dhe me suksese edhe në të ardhmen...” ka thënë trajneri Ramush Rushiti, i cili po ashtu ka merita të mëdha për punën e palodhshme të tij që ka rezultaur me sukses.

Pas ndeshjes kampionëv iu nda trofeu më i çmueshëm. Kupën ia ndau Teuta Abdullau, të cilën ia dorëzoi Merisa Bilallit dhe Yllza Ukes, dy barftëset kryesore lojës së KBF “Junior 06".

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat