​Optimizëm te Kosova për Kampionatin Evropian të Shteteve të Vogla për femra

Basketboll

​Optimizëm te Kosova për Kampionatin Evropian të Shteteve të Vogla për femra

Më: 21 qershor 2022 Në ora: 09:15
​Optimizëm te Kosova për Kampionatin Evropian të Shteteve të Vogla për femra

Përfaqësuesja A e femrave është në fazën e përgatitjeve për ndeshjet në kuadër të FIBA Kampionatin Evropian të Shteteve të Vogla që do të mbahet në Qipro nga 28 qershori deri më 3 korrik.

Rreth pritshmërive ka folur kapitenia e Përfaqësueses Arbnore Përquku. “Vitin e kaluar kemi zënë vendin e tretë, kurse këtë vit presim që të dalim kampion përballë përfaqësueseve që marrin pjesë” ka thënë Përquku për faqen zyrtare të FBK-së.

Tutje basketbollistja e njohur ka folur edhe për ndjenjën si kapitene: “Është viti i dytë rresht që jam kapitene. Është ndjenjë shumë e veçantë. Përveç që është ndjenjë shumë e mirë, është edhe përgjegjësi pasi që përfaqësojmë ngjyrat e shtetit në arenën ndërkombëtare”.

Edhe basketbollistja e talentuar Astera Tuhina, është shprehur optimiste për garat në Qipro.

“Shpresojmë që ta përfundojmë Kampionatin si kampione, nuk është shumë e vështirë për ta arritur, por duhet shumë punë, do të japim maksimumin që të paraqitemi sa më mirë” ka thënë Tuhina për faqen e FBK-së.

Tuhina ka folur gjithashtu edhe për atmosferën brenda Përfaqësueses: “Atmosfera është shumë e mirë dhe shpresoj që të jetë kështu deri në fund sepse është shumë e rëndësishme për paraqitjen e Përfaqësueses në këtë kampionat”.

Kosova aventurën në Nicosia të Qipros e fillon më 28 qershor në ndeshjen me Maltën.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat