Kombëtarja e Shqipërisë e pafuqishme, humbet thellë në Durrës ndaj Sllovenisë

Basketboll

Kombëtarja e Shqipërisë e pafuqishme, humbet thellë në Durrës ndaj Sllovenisë

Më: 27 nëntor 2022 Në ora: 22:11
Kombëtarja e Shqipërisë e pafuqishme

Kombëtarja e femrave në basketboll është mundur sot në mbrëmje 136-50 nga Sllovenia, në takimin e vlefshme për fazën e grupeve të Eurobasket 2023 (Kampionati Europian i Basketbollit, Grupi D). Shqipëria e drejtuar nga trajnerja Mirza Alibegaj, pësoi humbjen e katërt në po kaq takimve të zhvilluara, duke u pozicionuar në vendin e fundit.

Ndeshja është luajtur në mjediset e Akademisë “Dhimitraq Goga” në Durrës, por faktori fushë nuk ka ndihmuar ekipin kuqezi, që në këtë turne ka pësuar gjithnjë humbje, madje me shifra të thella. Sfida e sotme është e vetmja ku Shqipëria arrin të shënojë 50 pikë, ndërkohë që rivalët gjithnjë shënojnë më shumë se 100 pikë.

Kështu ndodhi edhe sot, me Slloveninë që e dominoi takimin nga minuta e parë deri tek e fundit dhe meritoi fitoren (43-6, 37-6, 20-24, 32-18 shifrat e katër periodave). Edhe në këtë takim, u aktivizuan të gjitha vajzat kuqezi, ku shënuesja më e mirë ishte Klea Verri me 11 pikë. Dy sfidat e fundit të kombëtares do të luhen në shkurt të vitit të ardhshëm.

Grupi D – Ndeshjet e kombëtares

Poloni – Shqipëri, 125-19

Shqipëri – Slloveni, 28-127

Turqi – Shqipëri, 140-44

Shqipëri – Poloni, 50-136

Slloveni – Shqipëri, 9 shkurt 23

Shqipëri – Turqi, 12 shkurt 23

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat