​Me pesë humbje e një fitore, Ylli e mbyllë aventurën në FIBA Europe Cup

Basketboll

​Me pesë humbje e një fitore, Ylli e mbyllë aventurën në FIBA Europe Cup

Më: 30 nëntor 2022 Në ora: 22:33
​Me pesë humbje e një fitore, Ylli e mbyllë aventurën në FIBA Europe Cup

Golden Eagle Ylli ka pësuar humbje në ndeshjen e fundit në grupet e FIBA Europe Cup. Kampionët e Kosovës pësuan nga Bamberg me shifrat 60:76 (16:23, 16:20, 19:14, 9:19).

Pas një fillimi të barabartë, pranë rezultatit 13:13, gjermanët me kalimin e minutave ishin më të mirë, duke e fituar çerekun e parë 16:23. Skuadra gjermane për një nuancë ishte më e mirë edhe në periudhën e dytë, që e fitoi 16:20, për të shkuar në pushim me shifrat 32:43.

Ylli u rikthye furishëm në periodën e tretë, ku afruan rezultatin në vetëm tri pikë, 51:54, ndërsa shifrat në semafor pas 30 minutash ishin 51:57. Bamberg ruajti epërsinë në dhjetë minutat e fundit, duke mos e rrezikuar fitoren për të triumfuar 60:76.

Për therandasit u dalluan Rashun Davis me 15 pikë dhe Jay Threatt me 13.

Ylli e mbylli grupin me një fitore e pesë humbje, kurse Bamberg me katër fitore e dy humbje, për tu kualifikuar në xhiron e ardhshme.

Kujtojmë se kjo është hera e parë për therandasit që garojnë në arenën evropiane.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat