Basketbollisti i kombëtares së Finlandës, Edon Maxhuni, është paraqitur me sukses në ekipin Crailsheim Merlins, anëtar i Bundesligës Gjermane dhe pjesë e garave të FIBA Europe Cup.
Edhe pse sezoni nuk shkoi ashtu siç pritej nga skuadra, Maxhuni u paraqit bindshëm, shkruan faqja finlandeze Basket.fi”.
Merlins më në fund renditen të 13-tit në sezonin e rregullt.
Sipas Maxhunit, sezoni nuk shkoi mirë për ekipin.
“Nuk ishte sezoni më i mirë nga ekipi dhe jo ai që prisnim.
Në përgjithësi, ishte një sezon mjaft i vështirë.
Ka pasur ndryshime dhe të tjera, por ndonjëherë ka edicion si ky”, tha mes të tjera Maxhuni.
Maxhuni, i cili luajti për herë të dytë në Kupën e Evropës, tregoi cilësitë e tij.
Ai pothuajse i vetëm udhëhoqi Merlins drejt një fitoreje të rëndësishme kundër ish-klubit të tij Heroes Den Bosch me bilancin e tij prej 28 pikësh dhe gjithashtu arriti të njëjtin rezultat kundër skuadrës së fortë turke Gaziantep.
Në përgjithësi, Maxhuni në Kupën e Evropës FIBA shënoi mesatarisht 14.1 pikë, 4.5 asistime dhe 1.4 kërcime.
“Ky vit shkoi pak më mirë se sezoni i kaluar, kur e dija pak se çfarë na priste.
Isha në gjendje të përmirësoja lojën time dhe pata disa suksese të mira dhe më lanë një ndjenjë të mirë.
Në të ardhmen, synimi është të arrijmë edhe më lart për të luajtur në Champions League apo Euro Cup”, tha Maxhuni.
Në karrierën e tij profesionale, Maxhuni më herët ka luajtur në nivelin e tretë të Spanjës, në ligën e përbashkët të Estonisë dhe Letonisë në Parnu dhe në ligën e përbashkët të Holandës dhe Belgjikës në Den Bosch. Aventura gjermane - një eksperiencë e re.
“Një basketboll shumë fizik dhe i shpejtë. Loja ishte mjaft e vështirë dhe të gjithë ishin pak më të fortë dhe më të shpejtë se ku kam luajtur më parë”, tha mes të tjera ai.
E ardhmja e Maxhunit për sezonin e ardhshëm është e hapur.
Ka ofertë për vazhdimin e kontratës nga Merlins në tavolinë, por ai po shikon edhe opsione të tjera.
“Nuk ka ende asgjë konkrete, por shpresojmë se do të gjendet një ekip i mirë që do të mund të luftojë për vend në play -off-it”, thotë Maxhuni.
Në fund të verës do të zhvillohen garat e Botërorit, të cilat Maxhuni tashmë i pret me padurim me kombëtaren e Finlandës.
“Kupa e Botës është sigurisht një turne i madh.
Kampionati i fundit Evropian ishte një gjë e mrekullueshme dhe Kampionati Botëror sigurisht që do të jetë gjithashtu. Është një përvojë e madhe dhe le të shkojmë atje dhe ta shijojmë”, - shprehet Maxhuni.
