Los Angeles Lakers janë rikthyer te fitoret, pasi ka triumfuar ndaj Phoenix Suns me rezultat 107:96.
Lakers krijuan një diferencë të madhe në çerekun e parë, duke kaluar në epërsi 31:15 dhe e ruajtën këtë avantazh praktikisht gjatë gjithë pjesës së mbetur të lojës.
Më meritori për këtë fitore të Lakers ishte Luka Doncic, i cili ishte më i miri në parket.
Doncic pati një paraqitje prej 33 pikësh, 11 kërcimesh dhe 8 asistimesh.
Ai pati një mbështetje të madhe në formën e 26 pikëve nga Austin Reaves, i cili dha edhe gjashtë asistime.
Për Suns, më i dalluari ishte Kevin Durant me 21 pikë e 9 kërcime dhe Devin Booker shënoi 19 pikë dhe ndau 11 asistime.
Me fitoren, Lakers forcuan pozitën e tyre në vendin e pestë në renditje dhe iu afruan një pozicioni direkt në play-off, pasi kanë një rekord prej 41 fitoresh dhe 25 humbjesh.
Rezultatet:
Dallas – Philadelphia 125:130
Cleveland – Orlando 103:108
LA Lakers – Phoenix 107:96
