Një nga qendrat më të mira në historinë e NBA-së, Dwight Howard, do ta vazhdojë karrierën e tij në Evropë.
Ish-kampioni i NBA-së, 40-vjeçari, nga muaji i ardhshëm do të luajë në Gjeorgji, pasi ka arritur marrëveshje me skuadrën Black Fortress nga Tbilisi.
“Gjeorgji, po vij! Jo në Atlantën time, por në Tbilisi”, ka shkruar Howard, i cili zbuloi se edhe tifozët kanë pasur ndikim në vendimin e tij.
Howard është 8 herë All-Star, pesë herë është përzgjedhur në ekipin më të mirë të NBA-së dhe tri herë radhazi është shpallur Lojtari më i Mirë Defensiv i Vitit në ligë.
Ai ka qenë pesë herë lider i NBA-së në kërcime dhe dy herë lider në bllokime.
Në vitin 2008, ai fitoi edhe garën e ngulitjeve (Slam Dunk Contest).
