“Ta gjesh dashurinë në moshën 50-vjeçare është një gjë e rrallë dhe kjo na ndodhi ne. Zemra nuk urdhërohet. Më tha ‘Po’”. Ky është statusi që ka publikuar në profilin e saj në “Instagram” aktorja e famshme italiane, Eva Grimaldi.
Aktorja ka zbuluar se ajo i ka propozuar për martesë të dashurës së saj, aktivistes e politikanes, Imma Battaglia.
Madje duket se ato të dyja tashmë kanë nisur kërkimet për fustanin e bardhë që do të veshë aktorja. Mediat italiane shkruajnë se ceremonia do zhvillohet në Romë.
Gjithashtu mendohet se dyshja mund të ketë zgjedhur muajin maj. Ndërkohë Eva dhe Imma kanë 7 vjet lidhje, por e bënë publike romancën vetëm 2 vite më parë.
