Dy herë në vit, në shkurt dhe shtator, kemi fatin të shohim njerëzit e famshëm (dhe jo vetëm) teksa shpalosin stilin e tyre në veshje gjatë javës së modës. Njerëz nga të gjitha anët e globit mblidhen në Nju Jork, Milano, Londër dhe Paris për të parë nga afër koleksionet e fundit të stilistëve të njohur nga e gjithë bota. Së fundmi është mbajtur Java e Modës në Nju Jork dhe patëm mundësinë që përveç koleksioneve të reja, të shihnim edhe disa prej fytyrave më me stil të botës së showbiz-it, sigurisht të veshur bukur dhe të ulur në rreshtat e parë.
Me siguri jeni kuriozë të shihni se çfarë kanë zgjedhur për një event kaq të rëndësishëm të modës. Hidhuni një sy këtyre pamjeve që vijnë direkt nga Nju Jorku.
