Pamjet nga dasma përrallore e vajzës së Bill Gates!

Bota e Yjeve

Pamjet nga dasma përrallore e vajzës së Bill Gates!

Më: 19 tetor 2021 Në ora: 16:51
Jennifer Gates, Nayel Nassar

Vajza e Bill dhe Melinda Gates, Jennifer Gates, i dha fund beqarisë duke u martuar me hipistin (kalorës) Nayel Nassar.

Dasma filloi zyrtarisht këtë të premte, me një ceremoni martese islame, në të cilën morën pjesë familja e ngushtë e Jennifer dhe Nassar.

Të nesërmen, në fermën e çiftit në Westchester County, në Nju-Jork, çifti hapi festën e tyre madhështore për më shumë se 300 të ftuar, të cilët ishin të gjithë të vaksinuar dhe të testuar për COVID-19.

Prindërit e Jennifer njoftuan në fillim të këtij viti se janë divorcuar, dhe pavarësisht kësaj ata ecën së bashku në ceremoninë e martesës së vajzës së tyre 25-vjeçare.  Për shkak të kësaj situate, 25-vjeçarja tha se dasma prej 2 milionë dollarësh ishte e vështirë të organizohej.

“Ka qenë një vit sfidues, si për të gjithë nga pandemia, ashtu edhe për familjet tona që po kalojnë një tranzicion. Por dashuria jonë për njëri-tjetrin ka qenë e vazhdueshme. Organizimi i dasmës dhe pjesëmarrja në të e miqve dhe e familjeve tona, ishte një ëndërr e realizuar”.

Përpara ditës së saj të madhe, Jennifer gjithashtu kaloi kohë në New York City me familjen e saj, përfshirë nënën Melinda, e cila ndihmoi me ditën e madhe të vajzës së saj.

“Melinda është një pjesë e madhe e përgatitjeve të dasmës” .

Image
Pamjet nga dasma përrallore e vajzës së Bill Gates!
Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat