Shoqëria e Ritës dhe Bebes, shqipet që po marrin në dorë skenën botërore - Bota Sot
Shoqëria e Ritës dhe Bebes, shqipet që po marrin në dorë skenën botërore

Bota e Yjeve

Shoqëria e Ritës dhe Bebes, shqipet që po marrin në dorë skenën botërore

Më: 8 shtator 2018 Në ora: 06:30
Rita Ora dhe Bebe Rexha

Rita Ora dhe Bebe Rexha kanë formuar një ndër shoqëritë që po merr më së shumti vëmendjen e përcjellësve të showbizit.

E deri tani, çdo paraqitje e tyre bashkë është komentuar shumë nëpër rrejte sociale e nga mediat botërore.

Këngëtaret nuk ka shumë kohë që kanë filluar të rrinë e të dalin bashkë, por sigurisht se sapo janë takuar, kanë krijuar një lidhje të fortë dhe tani konsiderohen si miket më të ngushta.

Madje, edhe organizatorët e ceremonive të ndryshme po i bëjnë dyshen bashkë për të ndarë çmime, pasi që ato kur bëhen bashkë krijojnë shumë atmosferë dhe sjellin energji pozitive.

Kjo shoqëri ka sjellë edhe bashkëpunimin e parë të dyshes në muzikë, kur Rita e ka ftuar Beben të jetë pjesë e këngës së saj ‘Girls’ bashkë me disa femra tjera që ajo vlerëson shumë.

E sigurisht, vajzat asnjëherë nuk kanë humbur rastin të përmendin prejardhjen e tyre, duke treguar gjithmonë se sa të fuqishme janë bashkë.

Ato madje edhe janë bërë miq familjarisht, e kjo vërehet më së shumti në rrjetet sociale, kur nënat e vajzave dhe motra e vëllai japin vazhdimisht komente pozitive mes tyre.

Shpresojmë që kjo shoqëri të zgjasë gjithmonë e shumë shpejtë t’i bashkohen edhe vajzat tjera shqiptare që po bëjnë bujë në tregun ndërkombëtar të muzikës.

Image
Image
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...