Anxhela Peristeri është një ndër personazhet më të ndjekur në rrjetin social “Instagram”. Aty këngëtarja e njohur ndan me fansat foto e video të saj.
Por së fundmi ajo është përballur virtualisht me një ndjekëse në “Instagram”. Ajo i ka bërë një koment pikant këngëtares.
“Mu duk si Eni Çobani kur e pashë! Bo ç’jeni bërë të tëra një surrat o Perëndi”, i shkruante ndjekësja në foto.
Anxhela e ka lexuar komentin dhe ka vendosur që t’i kthejë përgjigje. Këngëtarja i ka kërkuar komentueses me shaka, për t’u përballur në gjyq te Eni Çobani, për t’ia lënë në dorë publikut të vendosë.
“Fatkeqësisht për ty që e paske kaq problem, ky është surrati im siç ma ka bërë nëna. Nëse mendon se surrati yt është më i bukur se i imi, më nxirr në gjyq te Eni Çobani. Meqë ngjajmë, të vendosë populli kush fiton”.
Komentuesja nuk e ka lënë me kaq dhe i shkruan sërish Anxhelës për t’i thënë se nuk ishte ofendim krahasimi me Eni Çobanin, përkundrazi, duhet ta marrë si komplinent.
