Goditet banda shqiptare e trafikut të kokainës në Itali, karantina futi në “kurth” 4 të arrestuarit

Diaspora

Goditet banda shqiptare e trafikut të kokainës në Itali, karantina futi në “kurth” 4 të arrestuarit

Më: 11 tetor 2021 Në ora: 18:00
Foto ilustrim

Katër shqiptarë janë arrestuar nga policia e Ascolit në Itali si pjesë e një rrjeti të trafikut të kokainës. Ky grup ka funksionuar për më shumë se 1 vit e gjysmë në disa zona, mes jugut të Marches dhe veriut të Abruzzos.

Shqiptarët e arrestuar janë të moshave 29 deri në 39 vjeç dhe sipas mediave italiane, autoritetet kanë dokumentuar mbi 80 raste të shpërndarjes së kokainës në dy territoret e larpërmendura.

Të rinjtë e arrestuar kryesisht shpërndanin kokainë në parkingjet e qendrave tregtare, madje ata kanë punuar edhe gjatë karantinës totale të vendosur në Itali për shkak të koronavirusit.

Aktiviteti i trafikut të drogës duket se ka qenë mjaft fitimprurës, ku mediat italiane shkruajnë se të rinjtë ka bërë të paktën 100 mijë euro në pak muaj.

Kjo i ka bërë ata që të mos ndalojnë shpërndarjen gjatë kufizimeve për shkak të koronavirusit. Madje kjo ka qenë pikërisht dhe ajo çfarë i ka “fundosur” të rinjtë shqiptarë.

Të arrestuarit janë gjobitur disa herë gjatë karantinës totale për thyerjen e rregullave. Kjo i ka bërë autoritetet të dyshojnë dhe të nisin hetimet për të rinjtë.

Karabinierët arritën të identifikojnë rrjetin e shitjes së kokainës përmes rrjeteve sociale të të rinjve.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat