Ndërtuan ‘fabrikë kanabisi’, dënohen me burg dy shqiptarët në Angli

Diaspora

Ndërtuan ‘fabrikë kanabisi’, dënohen me burg dy shqiptarët në Angli

Më: 4 dhjetor 2021 Në ora: 11:08
Andiol Mucolli, Iirjan Jaho

Dy emigrantë të paligjshëm shqiptar janë dënuar me burg në Britaninë e Madhe, pasi u arrestuan teksa punonin, në një ‘fabrikë’ kanabisi, që ishte ngjitur me një klub nate, e cila do të sillte fitime prej 1.6 milion paund.

Policia u njoftua nga qytetarët në 12 tetor, pasi ndihej aroma e rëndë e drogës, në ndërtesën e vjetër ‘Club XS’ në zonën West walls të Carlisle. Andiol Mucolli, 25 vjeç është parë duke dalë nga ambientet, i ndjekur më pas nga 42-vjeçari Iirjan Jaho.

Dy shqiptarët, e pastrehë, pranuan se ishin përfshirë në prodhimin e kanabisit dhe u burgosën për dy vjet.

Gjatë një kontrolli në ndërtesë, policia pa se ndërtesa ishte përshtatur për prodhimin e kanabisit, dhe në 9 dhomat u gjetën pothuajse 1700 bimë – 276 prej të cilave ishin korrur tashmë.

Në ndërtesë kishte sisteme ajrimi, ndriçimi, kontrolli të temperaturës dhe ujitje. Përveç kësaj, shishe të zbrazëta të zbutësve me aromë të rrobave janë parë gjithashtu, që me sa duket dy shqiptarët i kanë përdorur për të ‘mbytur’ erën e rëndë të drogës.

Vlera e mundshme e drogës arrinte shifrën 1.6 milion £, përfundoi një ekspert.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat