Autoritetet italiane vazhdojnë hetimet për vrasjen e shqiptares Nevila Pjetri dhe transgjinores Camilla.
Daniele Bedini është arrestuar si autor i dyshuar i të dyja ngjarjeve dhe policia po heton në dy pista, një serial killer në botën e prostitucionit apo një vrasje për t’i mbyllur gojën dëshmitarit.
Dyshohet se transgjinorja Camilla ta ketë parë autorin kur ka tërhequr zvarrë trupin e pajetë të Nevilës dhe e ka hedhur në përrua.
Artizani 32-vjeçar vazhdon ta mohojë përfshirjen në të dyja vrasjet, duke nxjerre si alibi se ka qene ne lokal.
“Natën e dy vrasjeve kam qenë në lokal me shokë”.
Nevila u gjet e pajetë në shtratin e përroit Parmignola, në Marinella, pranë Sarzanës , e vrarë nga dy të shtëna me armë në kokë.
Jo shumë larg, në të njëjtën ditë u gjet edhe Camilla.
Po vijojnë hetimet nga Karabinierët e Ris di Parma dhe Policia Shkencore për të konstatuar nëse ka lidhje mes dy vdekjeve.
