Rexhepi: Ta mbyllim edicionin me fitore

Futboll

Rexhepi: Ta mbyllim edicionin me fitore

Më: 21 maj 2022 Në ora: 16:19
Rexhepi: Ta mbyllim edicionin me fitore

Drita e Gjilanit gjithë fokusin e ka të finalja e Kupës së Kosovës, se sa të ndeshja e nesërme me Ulpianën e Lipjanit, në kuadër të javës së fundit të elitës së futbollit të Kosovës.

Ballafaqimi mes Dritës dhe Ulpianës luhet në orën 15.00.

Ulpiana e luan ndeshjen e fundit në elitë, e cila ka kohë që ka humb statusin e kësaj shoqërie, e cila renditet në vend të nëntë me 27 pikë.

Drita synon fitore dhe në rast të dështimit të Gjilanit, të shpallet nënkampione e Kosovës.

Ballkani është i pari me 73 pikë, pasojnë Gjilani me 62, Drita 61 pikë etj.

Futbollisti i Dritës, Leotrim Rexhepi, theksoi se nesër hyjnë në ndeshje me seriozitetin maksimal.

“Sa i përket ndeshjes së nesërme është e rëndësishme të hyjmë me seriozitetin maksimal që ta mbyllim edicionin me fitore. Kemi pasur javën e plotë kështu për t’u përgatitur për ndeshjen e nesërme dhe finalen e Kupës, e cila sigurisht është e rëndësishme për ne”, ka thënë Rexhepi.

Për ndeshjen e fundit kampionale janë të gatshëm të gjithë futbollistët, përveç Përparim Islamit, i cili do të mungojë për shkak të kartonëve.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat