Ka një pritshmëri të madhe për Serie A

Futboll

Ka një pritshmëri të madhe për Serie A

Më: 29 qershor 2022 Në ora: 13:00
Ka një pritshmëri të madhe për Serie A

Ka një pritshmëri të madhe për Serie A 2022/23, e cila sigurisht do të kushtëzohet nga një ndërprerje e gjatë për Kupën e Botës që do të zhvillohet në Katar në fundin e vitit kalendarik.

Pavarësisht kësaj tifozët presin me padurim të shikojnë futbollin të kthehet protagonist në Itali. Megjithatë, ka nga ata që mendojnë se sezoni i ardhshëm nuk do të jetë aspak i bukur.

Po flasim për  një legjendë të futbollit si Jose Altafini, i cili ka dhënë mendimin e tij në një intervistë të dhënë për Radio Kiss Kiss.

“Do të jetë një kampionat shumë i shëmtuar”, ka thënë Altafini. “Pse i komplikojmë gjërat në këtë mënyrë? Do të jetë një kampionat i ndarë në mes për shkak të Katar 2022. Ashtu si e shikoj unë, gjërat po përkeqësohen shumë në krahasim me të kaluarën”.

Më pas, Altafini ka folur edhe për zgjedhjen e lojtarëve që të arrijnë në skadencën e kontratës për të ndërruar ekip: “më pas janë ata futbollistë që, kur kanë mbetur dy ose një vit në kontratë, duan të largohen”.

Me pak fjalë, mendimi i legjendës është shumë i qartë. Futbolli i sotëm nuk është edhe aq spektakolar në krahasim me atë të së kaluarës.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat