Salah rinovon kontratën me Liverpoolin

Futboll

Salah rinovon kontratën me Liverpoolin

Më: 1 korrik 2022 Në ora: 17:37
Salah rinovon kontratën me Liverpoolin

Spekulimet mbi të ardhmen e Mohamed Salahut kanë marrë fund. Ai edhe zyrtarisht sot ka rinovuar kontratën me Liverpoolin.

Klubi anglez ka njoftuar këtë të premte për arritjen e marrëveshjes me egjiptianin, i cili vlerësohet si një prej futbollistëve kryesorë.

Me kontratën e re, Salah do të jetë i lidhur me Liverpoolin deri më 30 qershor 2025.

30-vjeçari është pjesë e “Të Kuqve” që nga viti 2017, kur u transferua nga Roma për 42 milionë euro.

Gjatë pesë vjetëve të tij në “Anfield”, ai ka shënuar 156 gola në 254 paraqitje zyrtare.

Salah me Liverpoolin e ka fituar njëherë titullin e kampionit në Premierligë, një trofe të Kupës FA dhe Kupës së Ligës.

Egjiptani gjithashtu ka ndihmuar skuadrën që të fitojë njëherë trofeun e Ligës së Kampionëve dhe atë të Kupës së Botës për Klube.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat