Kalimi te Bayerni, Kahn i shuan shpresat

Futboll

Kalimi te Bayerni, Kahn i shuan shpresat

Më: 7 korrik 2022 Në ora: 11:55
Kalimi te Bayerni, Kahn i shuan shpresat

Cristiano Ronaldo u afrua me Bayern Munchen disa ditë më parë. Ylli portugez nuk është i lumtur në Manchester dhe agjenti i tij Jorge Mendes i propozoi kampionëve të Gjermanisë shërbimet e pesë herë fituesit të “Topit të Artë”.

Pavarësisht respektit dhe vlerësimit për kualitetin, aftësinë për të shënuar pafund dhe eksperiencën e 37-vjeçarit, bavarezët nuk i tundon firma me golashënuesin më të mirë në histori për shkak të moshës së madhe.

CEO i Bayernit, Oliver Kahn shpjegon pse nuk e cilëson si veprimin e duhur nga ana e klubit gjerman afrimin e CR7: “E vlerësoj Ronaldon si një nga më të mëdhenjtë, por një lëvizje në këtë drejtim nuk do të ishte pjesë e filozofisë sonë.

Ne kemi një filozofi solide, që është të kërkojmë lojtarë të fortë, po, por pa shpenzime të çmendura, sidomos për një lojtar mbi 35 vjeç“, deklaroi ish-portieri i famshëm gjerman.

Sulmuesi portugez u rikthye verën e kaluar tek United pas 12 vitesh, por nuk ia doli të fitonte trofe apo të kualifikohej me “Djajtë e Kuq” në Champions League, kompeticion të cilin e ka për zemër.

Te Bayerni e cilësojnë lojtar në moshë të madhe, ndërkohë që nuk mungon interesimi nga disa klube të Serie A, që ëndërrojnë rikthimin e Ronaldos në futbollin italian.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat