Liqeni mëson njërin prej tre kundërshtarëve në ‘Main Round’ 

Futboll

Liqeni mëson njërin prej tre kundërshtarëve në ‘Main Round’ 

Më: 7 korrik 2022 Në ora: 18:08
Liqeni

Skuadra kampione e Kosovës në futsall, FC Liqeni ka mësuar njërin prej tre kundërshtarëve të fazës “Main Round” në Ligën e Kampionëve.

Shorti i hedhur sot në Nyon, e ka vendosur kampionin e Kosovës në Grupin 6, e ku për kundështar do ta ketë kampionin e Bjellorusisë, FC Stalista, si dhe fituesit e grupeve B dhe E të fazës paraeliminatore.

Në Grupin B të fazës parakualifikuese janë JB Futsal Gentofte (Danimarkë), Fortuna Wiener Neustadt (Austri), PYF Saltires (Skoci) dhe Amigo Northwest (Bullgari), derisa në Grupin E bëjnë pjesë Piast Gliwice (Poloni), Doukas (Greqi), Nistru Chişinău (Moldavi) dhe Technion Haifa (Izrael).

Ndeshjet e fazës ‘Main Round” do të zhvillohen prej 25 deri më 30 tetor, në Pallatin e Sportit në Prishtinë.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat