Caktohen gjyqtarët që do të ndajnë drejtësinë në ndeshjen Sivasspor – Ballkani

Futboll

Caktohen gjyqtarët që do të ndajnë drejtësinë në ndeshjen Sivasspor – Ballkani

Më: 4 tetor 2022 Në ora: 16:55
Caktohen gjyqtarët që do të ndajnë drejtësinë në ndeshjen Sivasspor – Ballkani

UEFA ka bërë delegimin e gjyqtarëve të ndeshjes së radhës të Ballkanit në Ligën e Konferencës kundër Sivassporit.

Takimin që do të zhvillohet në Turqi do ta drejtojnë treshja e gjyqtarëve spanjollë

Jose Luis Munuera është gjyqtar kryesor i takimit, me Inigo Prieton dhe Antonio Ramon Martinez Morenon që do të jenë dy ndihmësit e tij. Gjyqtar i katër do të jetë spanjolli tjetër Jorge Figueroa Vazquez.

Sivasspori dhe Ballkani takohen të enjten mbrëma me fillim nga ora 18:45 në stadiumin “Yeni 4 Eylul”.

Ndeshja mes Sivassporit dhe Ballkanit i takon Grupit G në Ligën e Konferencës.

Ballkani pas dy takimeve të zhvilluara në këtë grup ka tubuar vetëm një pikë dhe renditet në pozitën e tretë. Sivasspori është në të dytin me katër pikë, aq sa ka edhe Slavia Praha që është lider. Cluji përmbyll grupin me një pikë.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat