Kevin Dodaj jep spektakël dhe mban ekipin në garë për titullin

Futboll

Kevin Dodaj jep spektakël dhe mban ekipin në garë për titullin

Më: 22 nëntor 2026 Në ora: 17:38
Pamje nga ndeshja

Kevin Dodaj është kthyer në këtë sezon në protagonistin kryesor të lojës së Leçia Gdansk në kategorinë e dytë në Poloni ku ai po shënon me rregullsi të vazhdueshme edhe gola me peshë.

Të njëjtën gjë ka bërë edhe sot, teksa një gol i tij i ka dhënë suksesin ekipit në ndeshjen në shtëpi ndaj Odra Opole. Në fakt, goli i Dodajt ka qenë i jashtëzakonshëm si për mënyrën e ekzekutimit, ashtu edhe për momentin kur erdhi, pasi vendosi fatin e sfidës.

Në zhvillimin e një goditje nga këndi, kur sapo nisi shtesa e ndeshjes dhe shifrat ishin 1-1, Dodaj lëshoi një goditje fluturimthi që përfundoi në rrjetë duke siguruar shifrat 2-1 dhe praktikisht fitoren për ekipin e tij.

Ky ishte goli i 5 i këtij sezoni për Dodajn me fanellën e Leçia Gdansk, që mbetet në vendin e tretë në renditje, vetëm 1 pikë larg kreut që mbahet nga Polonia Varshava.

Sot mund të lexoni Shfletoni kopertinat