​Formacionet zyrtare, Poloni-Argjentinë

Futboll

​Formacionet zyrtare, Poloni-Argjentinë

Më: 30 nëntor 2022 Në ora: 18:51
Foto ilustrim

Kohët e mira po vazhdojnë për Poloninë pasi Robert Lewandowski shënoi golin e tij të parë në Kupën e Botës në një fitore 2:0 ndaj Arabisë Saudite të shtunën.

Duke kaluar pritshmëritë si lider i Grupit C, Polonisë i duhet vetëm një pikë kundër Argjentinës për të garantuar kualifikimin në fazën e eliminatoreve, ndërsa një fitore do ta shoh atë të kryesojë një fazë grupesh për herë të parë që nga viti 1982, edicion ai që e pa atë të përfundojë në vendin e tretë.

Në anën tjetër, tifozë të shumtë e përshkruan humbjen 2:1 të Argjentinës kundër Arabisë Saudite si befasinë më të madhe në histori të Kupës së Botës, dhe pavarësisht se u këndell nga ajo humbje me një fitore 2:0 ndaj Meksikës në xhiron e kaluar, Argjentina mund të përballet sot me eliminimin nëse nuk fiton ndaj Polonisë.

Kupa e Botës “Katar 2022” pritet të jetë e fundit për Lionel Messin në arenën ndërkombëtare dhe Argjentina shpreson se mund të kalojë grupin dhe të ringjall shpresat për ta shtuar titullin e parë të kampionit botëror në kabinetin e superyllit të Paris Saint-Germain.

Momentalisht, të dy kombëtaret i ndan vetëm një pikë në Grupin C, ku Polonia zë vendin e parë me katër pikë, krahas Argjentinës që renditet e dyta me tre pikë, aq sa ka edhe Arabia Saudite në vendin e tretë, kurse në vendin e fundit renditet Meksika me vetëm një pikë të arkëtuar.

Takimi i fundit mes Polonisë dhe Argjentinës daton në muajin qershor të vitit 2011, ku asokohe polakët regjistruan fitore me shifrat 2:1.

Ndeshja starton nga ora 20:00 dhe kwto janw formacionet zyrtare:

Polonia: Szczesny; Bereszynski, Glik, Kiwior, Cash; Frankowski, Bielik, Krychowiak, Zielinski; Swiderski; Lewandowski

Argjentina: E.Martinez; Molina, Romero, Otamendi, Acuaa; De Paul, Enzo Fernandez, Mac Allister; Messi, Julian Alvarez, Di Maria.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat