Trajneri i përkohshëm i Tottenhamit: Jam i gatshëm për punën

Futboll

Trajneri i përkohshëm i Tottenhamit: Jam i gatshëm për punën

Më: 26 prill 2023 Në ora: 19:06
Futbollisti Kane

Skuadra e Tottenhamit e shkarkoi Kristian Stellinin nga pozita e trajnerit të përkohshëm të klubit, duke e zëvendësuar atë me Rajan Mejson.

Stellini u shkarkua pas humbjes së tmerrshme 6:1 nga Newcastle, ku në këtë ndeshje Tottenhami kishte pësuar plot pesë gola qysh në pjesën e parë.

Shefi i Totenhamit, Daniel Levi vendosi ta largojë Stellinin dhe ta sjellë Mejsonin në krye të klubit përkohësisht, deri sa të emërohet trajneri i përhershëm i klubit.

Mejsoni kishte drejtuar Tottenhamin si trajner i përkohshëm edhe gjatë sezonit 2020/21 në shtatë ndeshje, ku kishte regjistruar katër fitore dhe tre humbje.

Tani, i pyetur për punën e trajnerit te Totenhamin, Mejson u shpreh absolutisht i gatshëm.

“Unë ndjehem i gatshëm për punën.

E di që jam i gatshëm.

Unë jam absolutisht i gatshëm për këtë situatë të përkohshme. E kemi menaxhuar mirë para dy vitesh.

Në fund të fundit nga këndvështrimi im ndihem mirë, ndihem gati”, tha Mejsoni.

Tottenhami momentalisht renditet në pozitën e gjashtë në tabelë në kuotën e 53 pikëve, gjashtë sosh larg vendit të katërt që siguron futbollin në Ligën e Kampionëve.

comment Për komente lëvizni më poshtë
Sot mund të lexoni Shfletoni kopertinat