Caktohen trajnerët për ndeshjen e yjeve mes Rashicës dhe Asllanit

Futboll

Caktohen trajnerët për ndeshjen e yjeve mes Rashicës dhe Asllanit

Më: 9 qershor 2026 Në ora: 11:41
Rashica e Asllani

Përballja që do të vërë përballë skuadrat e Milot Rashicës dhe Fisnik Asllanit nuk do të sjellë në qendër të vëmendjes vetëm futbollistët, por edhe emra të mëdhenj të trajningut.

Skuadra e Milot Rashicës do të drejtohet nga Ismet Munishi dhe Agim Maliqi, dy trajnerë me përvojë të gjatë dhe kontribut të çmuar në futbollin e Kosovës. Të dy njihen për punën e tyre me klube dhe futbollistë të shumtë, duke lënë gjurmë të rëndësishme në zhvillimin e lojës në vend.

Nga ana tjetër, ekipi i Fisnik Asllanit do të udhëhiqet nga Arbnor Morina dhe Isa Sadriu, trajnerë të respektuar që ndër vite kanë ndihmuar në formimin dhe avancimin e shumë futbollistëve kosovarë.

Prania e këtyre katër emrave të njohur në pankina i jep një dimension të veçantë këtij eventi, duke bashkuar përvojën, traditën dhe figurat që kanë kontribuar në rritjen e futbollit.

Tifozët do të kenë mundësinë të shohin jo vetëm yjet në fushë, por edhe trajnerë që kanë luajtur rol të rëndësishëm në historinë e futbollit të Kosovës.

Sot mund të lexoni Shfletoni kopertinat