Nagelsmann për lëndimin e Schlotterbeck: Nuk po duket mirë

Futboll

Nagelsmann për lëndimin e Schlotterbeck: Nuk po duket mirë

Më: 21 qershor 2026 Në ora: 13:20
Nico Schlotterbeck

Gjermania ka marrë një goditje të rëndë rrugëtimit të saj në Botërorin 2026, pasi mbrojtësi kryesor Nico Schlotterbeck dyshohet se ka pësuar një lëndim të ligamenteve të kyçit të këmbës.

Mbrojtësi i Borussia Dortmundit u lëndua gjatë një ndërhyrjeje ndaj Amad Diallo në ndeshjen e fundit të Grupit E kundër Bregut të Fildishtë, të zhvilluar në Toronto. Ndonëse luajti për afro 30 minuta pas marrjes së ndihmës mjekësore, ai u zëvendësua në pjesën e parë nga Antonio Rüdiger.

Pas ndeshjes, përzgjedhësi Julian Nagelsmann konfirmoi lajmin e hidhur për mediat, duke deklaruar se situata nuk duket e mirë dhe se lojtari do t'u nënshtrohet ekzaminimeve të hollësishme imazherike për të mësuar shkallën e saktë të dëmtimit.

"Nuk po duket mirë," – u shpreh shkurtimisht Nagelsmann.

Edhe pse Gjermania është kualifikuar komodshëm tutje me dy fitore, mbetet të shihet se si do të menaxhohet pjesa e mbetur e Botërorit pa Schlotterbeck në vijën e mbrojtjes.

Sot mund të lexoni Shfletoni kopertinat