Fat i madh për Emmanuelin dhe FC Zurich-un

Futboll

Fat i madh për Emmanuelin dhe FC Zurich-un

Më: 4 nëntor 2026 Në ora: 14:04
Futbollisti Umeh Emmanuel

Sulmuesi i FC Zurich-ut, Umeh Emmanuel, është dashur të përjashtohej me karton të kuq në ndeshjen kundër Young Boys (YB).

Në këtë përfundim ka arritur Federata Zvicerane e Futbollit (SFV), në rubrikën e saj „Ref's Insights“, ku analizohen rastet e diskutueshme të xhiros së fundit të Superligës zvicerane.

Në minutën e 86-të, gjatë një dueli me Armin Gigovic, sulmuesi Emmanuel kishte përdorur qëllimisht krahun kundër kokës së kundërshtarit, si dhe e kishte goditur me dorë në fytyrë.

Në atë moment, FC Zürich ishte në epërsi me rezultat 4:3.

Megjithatë, në vend të kartonit të kuq për Emmanuelin, gjyqtari akordoi goditje dënimi në favor të FC Zürich-ut.

Në minutat shtesë, sulmuesi shënoi edhe golin e pestë për skuadrën mysafire, duke vulosur fitoren 5:3.

Sot mund të lexoni Shfletoni kopertinat