Çifti Vitaku drejtoi ndeshje në Ligën Evropiane

Hendboll

Çifti Vitaku drejtoi ndeshje në Ligën Evropiane

Më: 29 shtator 2022 Në ora: 17:50
Çifti Vitaku drejtoi ndeshje në Ligën Evropiane

Një tjetër xhiro evropiane, një tjetër angazhim për gjyqtarët të Kosovës të hendbollit. Çifti mitrovicas, Arsim dhe Erdoan Vitaku kanë drejtuar të martën ndeshjen e raundit të dytë kualifikues të Ligës Evropiane për hendbollistë.

Në Kwidzyn të Polonisë, u takuan skuadra vendase, MMTS Kwidzyn dhe skuadra e madhe gjermane, SG Flensburg-Handewitt. Fitore të thellë shënoi skuadra gjermane, Flensburg-Handewitt me rezultat 39:25. Ndeshja e kthimit luhet më 4 tetor në Flensburg të Gjermanisë.

Në rrethin e dytë të Ligës Evropiane u paraqit edhe reprezentuesi i Kosovës, Luigj Quni me skuadrën zvicerane, Amicitia Zuerich. Zuerichu pësoi thellë, 34:24, nga skuadra spanjolle, Benidorm. Ndeshja u luajt në Spanjë, ndërsa Qunoi shënoi dy gola.

Hendbollisti shqiptar, Gzim Salihi, shënoi tri gola për Savehofin suedez që barazoi 24:24 me Montpellierin francez.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat