Skuadra e hendbollit Veszpremi po vazhdon me paraqitje të shkëlqyera këtë sezon në Ligën e Kampionëve, duke ruajtur bilancin e përsosur të rezultateve.
“Viktima” e fundit e skuadrës hungareze ishte ekipi i Wisła Płockut nga Polonia, të cilin e mposhti me rezultat 30:26.
Pas gjashtë fitoreve në fazën e parë, kjo ishte fitorja e shtatë për Veszpremin.
Skuadra polake ishte më e mirë në pjesën e parë, të cilën e përfundoi në epërsi prej 17:14. Por, në pjesën e dytë, Veszpremi tregoi pse konsiderohet favorit kryesor për trofeun, së bashku me Barcelonën.
Fillimisht, hungarezët e shuan disavantazhin me një seri të vogël prej 0:3, ndërsa më pas, me dy seri prej 0:4, e thyen rezistencën e Wisła Płockut dhe kaluan në epërsi të paarritshme prej 24:29.
Në fund, skuadra hungareze triumfoi me rezultat 26:30.
Ugo Descat me tetë gola dhe Nedim Remili me shtatë gola ishin më të dalluarit te Veszprémi, ndërsa Frederik Bjere shënoi tetë gola për Wisła Płockun.