Vazhdon prezantimi i rregullt i anëtarëve të Federatës së Hendbollit të Kosovës në arenën evropiane.
Në fundjavë, gjyqtarët Genc dhe Getoar Bujupi i drejtuan dy ndeshje evropiane.
Bëhet fjalë për ndeshjet mes skuadrës sllovake, Slovan Duslo Shala dhe asaj VIF nga Ishujt Faroe.
Ndeshjet e luajtura në Shala të Sllovakisë i takuan raundit të tretë të Kupës Evropiane për hendbolliste.
Ndeshjen e parë skuadra sllovake e fitoi me rezultat 29:24. Edhe më bindëse Slovan Duslo Shala ishte në ndeshjen e dytë, të cilën e fitoi 36:26 dhe kështu avancoi tutje.
Genc e Getoar Bujupi tashmë janë të rregullt në skenën evropiane të hendbollit.