Aleksandar Vuçiq mori një mbështetje të madhe nga Kosova, të mërkurën, për deklaratat për të mos e sanksionuar Rusinë për pushtimin e Ukrainës.
Sigurisht ajo i erdhi nga Lista Serbe. Nënkryetari i saj, Dalibor Jevtiq, tha se presidenti serb u shfaq i guximshëm.
Nëse për vendimin e të parit në Serbi foli mirë, Jevtiq, partia e të cilit është pjesë e Kuvendit dhe qeverisë së Kosovës, nuk veproi njëjtë edhe kur u pyet nëse Albin Kurti bëri mirë që doli pro sanksioneve për Rusinë.
Nënkryetari i Listës Serbe ishte i rezervuar edhe për krijimin e “Fondit të Sigurisë” nga Qeveria e Kosovës.