Arrogancën e avanturave politike e paguan populli në mënyrë tragjike

Opinione

Arrogancën e avanturave politike e paguan populli në mënyrë tragjike

Nga: Dedë Preqi Më: 16 dhjetor 2020 Në ora: 11:44
Dedë Preqi

Përgjegjësia ndaj shtetit mund të jetë dhe të kuptohet si përgjegjësi edhe ndaj idealit që ke në vetëvete për një gjë shumë të rëndësishme, që do të thotë përgjegjësi e shenjtë ndaj shoqërisë tënde njerëzore, apo gjënezës që i takon.

Ngjarjet e një pasnjëshme të një ç’rregullimi shoqëror e politik në Shqipëri, dhe protestat e përditshme të shqiptarëve në këtë vend, si edhe në vendet e ndryshme të botës, që protestojnë për një ngjarje të pa zakontë dhe shumë të rëndë që ndodhi ditëve të fundit, nuk ka dyshim se fati i këtij populli po nëpërkëmbët pa mëshirë.

Është e rëndë ndodhja tragjike e vrasjes së një të riu para shtëpisë së vet nga policia e shtetit shqiptarë, i cili rast arsytohet në mënyrë banale para qytetarëve shqiptarë dhe para botës nga kryeministri Edi Rama, duke thënë se ishte vetëm si një aksident i rastit. Faktori që e karakterizon këtë kategori njerëzore me pushtetin që udhëheq dallon shumë me pasojat ndaj përgjegjësisë, sepse në duart e veta i mbanë frerët dhe kontrollin e pushtetit me arrogancë.

Nga një situatë e tillë dhe shumë të tjera të ndieshme në shtetin shqiptarë, që rrëfimet e tyre nga pushtetët abuzive nuk kanë mbarim, atëherë çka pritët më tutje që Edi Rama, nuk jep «dorëheqje nga posti i kryeministrit të Shqipërisë», jo nga dëshira e tij përsonale dhe vullneti i tij që ka, por nga nevoja dhe rrethanat ekzistuese, e cila do i bindet vullnetit të popullit, që të heqë dorë nga vetëvetja, duke pasë parasysh kërkesën e madhe të këtij populli që të bëhën reforma dhe ndryshime të reja në këtë vend.

Nëse duhet ta kemi parasysh popullin dhe kërkesën e tij me vullnet dhe ndërgjegje, që të gjindet një figurë e re politike dhe me duar të pastërta në shtetin shqiptarë, në mënyrë që ti prijë këtij populli dinjitetshëm ashtu sikur e meriton. Kjo do të ishte ngjarja më e rëndësishme që do të ndodhte, jo vetëm në shtetin shqiptarë, por edhe në Kosovë, kur në thëmel të kërkimit kemi vënë kritere të veprimit të drejtë shoqëror e politik, kritere të kulturës njerëzore dhe shtetërore, që do të përfitonte edhe tërë shoqëria e jonë njerëzore.

Shqipëria dhe populli shqiptarë duhet të ndryshojë rrënjësisht pushtetin aktual të Edi Ramës dhe varësve të tij, për të rrënjosur një fillim dhe jetë të re, e cila do e bëjë të çartë njëherë e mirë çëndrimin e një pushteti, ku nuk do të ketë më tipare klanore e partiake, por do të shihet vullneti i popullit që nënkupton rendin dhe ligjet, përspektiven dhe mirëqenjën qytetare të këtij vendi.

Nga ana tjetër, konceptin e emancipimit të shoqërisë tonë njerëzore ta kuptojmë, jo vetëm brenda teritoreve tona, por edhe në integrimet Evropiane e më gjërë, duke marrë përgjegjësitë që na takojnë si shtete të pavarura, si edhe të kemi një kujdes të posaqëm ndaj miqëve ndërkombëtarë, që po e iritojnë me të drejtë udhëheqjen e lidershipit të vendeve tona, në Shqipëri dhe Kosovë, sikur akoma jemi të pa aftë të udhëheqim me vetëvetën.

Nga pushtetët e dobëta të shtetit shqiptarë në Shqipëri, nuk mundi të mësojë dhe të përfitojë as Kosova, si një shtet i ri demokratik përshkak të pasojave të pa llogaritshme dhe abuzimëve, që sjellën përvoja të hidhura edhe në Kosovë.

Thuhet se demokracia nuk zhvillohet nga ana e njerëzve primitiv, apo format e saja të jenë shfaqje të një pushteti hyjnor, ku individët e caktuar mund ta gëzojnë të drejtën e tyre nga forca dhe priveligjet dhe ta mbajnë pushtetin si pronë të pa prekshme të tyre, duke ditur se demokracia lindi si kusht dhe vetëdije shoqërore, e cila mbronë dhe e përforcon elementin e shoqërisë njerëzore, për të arritur zotërimin e vet dobiprurës dhe zhvillimin e rendit shoqëror e njerëzor pa dallim.

Është akt moral dhe njerëzor dorëheqja e çdo kryeministri të një vendi, në këtë rast edhe dorëheqja e pa vonuar i kryeminstrit Edi Rama, kur ndikimi i një njeriu ushtron pushtet të pa drejtë mbi të tjerët dhe abuzon me popullin e vet- përmes formave që nuk kanë ecuri pozitive dhe parim shoqëror e njerëzor, duke devijuar në të kundërtën e interesave të popullit dhe vendit të vet.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat