Ҫështje për bisedime

Opinione

Ҫështje për bisedime

Më: 10 qershor 2021 Në ora: 13:04
Melihate Tërmkolli

Një nga çështjet kryesore të bisedimeve me Serbinë duhet të jetë kthimi i pronave dhe pasurisë së shqiptarëve të dëbuar nga vendi i tyre në një territor që përfshinë Nishin, Prokuplen, Kushumlinë, Vranjën etj. e emërtuar në atë kohë në aspektin organizativ-territorial si “Sanxhaku i Nishit”. Kjo e drejtë e cila iu njoh shqiptarëve me vendimin e Kongresit të Berlinit (paragrafi XXXIX, 1878), nuk është zbatuar ende deri sot. Serbia në vazhdimësi e pengoi realizimin e saj përkundër faktit që ishte formuar edhe një Komision Ndërkombëtar për realizimin e drejtës së shqiptarëve për kthim në pronat dhe pasurinë e tyre në zbatim të Vendimit të Kongresit.

Serbia, tani ose duhet t’ju kthejë shqiptarëve pronat dhe pasurinë e tyre ose territorin që e ka grabitur përmes dhunës, spastrimit etnik e gjenocidit dhe të cilin e administron që nga 1878 në një sipërfaqe me mbi 10.000 km2, pak më tepër se territori i sotëm i Kosovës. Serbia e din këtë! Edhe Evropa e din këtë problem dhe poashtu detyrimin e Serbisë për zbatimin e vendimeve dhe marrëveshjeve ndërkombëtare.

Qeveria e Kosovës dhe ekipi negociator nuk mund ta anashkalojnë këtë çështje. Në fakt nuk ka një argument më të fuqishëm se ky për vendosjen e një themeli të fortë të pozicionit të Kosovës në bisedimet që pritet të vazhdojnë tani.

Prishtinë, 9 Qershor 2021

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat