Fenomeni Bahtiri?!...

Opinione

Fenomeni Bahtiri?!...

Nga: Dibran Demaku Më: 5 tetor 2021 Në ora: 10:31
Dibran Demaku

Agim Bahtiri (kryetar aktual i Mitrovicës) e nisi karierën e tij politike si anëtar i AKR-së të Behxhet Pacollit. Erdhi nga Holanda ku jetonte si emigrant dhe konkuroi për t‘u bërë kryetar. Dihen premtimet e tij (të cilat nuk u realizuan kurrë) dhe populli u mashtrua dhe ia dha votën. Në mandatin e parë katër vjeçar si anëtar i AKR-së, kur e nuhati se AKR-së nuk po i shkonin punë mirë gjeti strehim te Lëvizja Vetëvendosje.

Lëvizja e tij politike ishte e suksesshme dhe ai e fitoi edhe mandatin e dytë si kryetar i Mitrovicës. (Se përse e mori Lëvizja Vetëvendosje në gjirin e vetë këtë individ nuk dihet,por mund të jetë ajo e njohura se „nëse je me mua, je më i miri".

Lind pyetja çfarë fitoi Lëvizja Vetëvendosje me këtë individ në radhë e saj? Përgjigjja mund të ishte: degradim!

Agim Bahtiri (në postin e të parit të Mitrovicës) për tetë vite me radhë me bëmat e tij ishte fyerje për qytetarët e Mitrovicës! (Kështu kanë shkruar dhe janë shprehur edhe shumë intelektualë të këtij qyteti).

Dhe për habi Lëvizja Vetëvendosje e ka caktuar si kandidat (për mandatin e tretë) për kryetar të Mitrovicës! Më këtë veprim Lëvizja Vetëvendosje e ka degraduar vetveten në sy të qytetarëve të Mitrovicës! Nëse qytetarët e Mitrovicës u mashtruan dy herë duke rënë pre e premtimeve mashtruese të Bahtirit (analfabet në politikë dhe jo vetëm) nuk besohet se do të mashrrohen edhe për të tretën herë me radhë!

Me këtë zgjedhje Lëvizja Vetëvendosje e ka të sigurt humbjen në qytetin e Mittovicës. Se përse e ka bërë këtë zgjedhje nuk dihet, por mund të jetë që a ka bërë me qëllim që të duke humbur të „lirohet“ nga fenomeni Bahtiri!

Sepse po të ishte e kundërta Lëvizja Vetëvendosje do të zgjidhte një kandidat tjetër (me integritet më të mirë se të Bahtirit) dhe mbase do të fitonte këtë komunë, ndërkaq në zgjedhjeve e bërë humbjen e ka të sigurt. Fenomeni Bahtiri, pas këtyre zgjedhjeve do të marrë fund!…

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat