Kosovës i duhen 7 bashkësi të komunave!

Opinione

Kosovës i duhen 7 bashkësi të komunave!

Nga: Muhamet Kelmendi Më: 17 tetor 2021 Në ora: 16:39
Muhamet Kelmendi

Kosovës i duhen 7 bashkësi të komunave. Fillohet me BASHKESINE e Prishtinës dhe vazhdon me Mitrivicë, duke futur në të Skenderajin, Mitrovicën si tërësi, Leposaviqin dhe komuna tjera këtej, si dhe kalohet te bashkësia e Pejës, Gjakovës, Prizerenit, Ferizajit dhe Gjilanit.

Nëpër këto njësi futen komunat në rrethin e bashkësisë. Kështu ndalen vjedhjet në mbi 30 komunat aktuale dhe kështu krijohet një mbështetje më e madhe financiare, sepse koncentrohet buxheti në bashkësi. Organizimi i tillë e zvogëlon administrarën e tashme mbi 30 komuna dhe ndikon shumë që mjetet fnanciare të kalojnë nga xhepat e fivideve dhe të grupeve te çështjet e ndërtimit të komunës me rreth.

Me bashkësi ndalen edhe veprimet nacionalshoveniste serbe në Veri të Kosovës. Atje do të kemi edhe më tutje komuna, por që i takojnë bashkësisë, e ku janë edhe vetë prezentë. Veriu vëhet nën pushtetin e bashkësisë së mitrovicës. Edhe në anë tjera ka pozitivitet. Duke bërë buxhetin e komunave në një bashkësi e jo nëpër komuna, të cilat i mbyten qytetarët me keqpërdorime, luftohen dukuritë negative dhe fiton bashkësia. Natyrisht se kështu reduktohet administrata e stërngarkuar dhe harxhimet zvogëlohen në përmasa të mëdha.

Me 7 bashkësi rritet kontrolli dhe transparenca, si dhe ndalen pretendimet territoriale serbe mbi Kosovën. Nuk mundet me bashkësi të komunave të flitet në emër të ndonjë komune dhe ky organizim e ndalon punën e asociacionit si mjet i organizimit territorial. Bashkësia e komunave është baze e pushtetit.

Ai realizohet në bazë të komunave. Ky organizim është shumë funksional dhe ndihmon pushtetin shteteror. Si i tillë gjendet në çdo shtet pothuajese te UE dhe askush nuk mund të mbështetet në interesat e ngushta të bazës nacionale. Bashkësia e komunave është barazia më e madhe.

Mbi atë organizim ndërtohet pushteti funksional dhe ai është baza e demokracisë funksionale. Republika ecë kështu përpara.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat