Barinjtë e “zgjebosur”, mëkatarët dhe zullumqarët

Opinione

Barinjtë e “zgjebosur”, mëkatarët dhe zullumqarët

Nga: Agim Jazaj Më: 28 tetor 2021 Në ora: 10:20
Agim Jazaj

Këto ditë është hedhur hapur “dorëza” edhe përpara mediave lokale, opinionit publik nga përfaqsues të lartë të qeverisë, deputet të “Rilindjes 2021”:

Koha për ndryshimin e drejtuesve të institucioneve, lokal në Vlorë, të cilët janë shpallur tashmë pas kaq vitesh, në këto poltrone: “Të pa përshtatshëm, madje deri të korruptur, mos ofrim të shërbimeve jetike qytetarëve”! Duke ju faturua këtyre; Dështimin, Abuzimin, Mëkatet, Zullumet e Qeverisjes 8 vjeçare!

AGIM JAZAJ Shumë qytetarë të haberosur, sapo dëgjuan këtë Inkursion të “shtetit” shqiptar, performancën e ulët dhe domosdoshmërinë e zvendësimin të drejtuesve, “Barinjve” të këtyre “Tufave”- shqyen syt!

Edhe xha Sulua i ri, pasardhës i të parit, një moshatar, nga krahina e Labërisë me origjinë, kish venë duart, lidhi kokën me peshqir, duke i’a marrë me oi, oi tek sheshi i “Kateqit”…

Do ndërrojnë barinjtë,

A do pastrojnë stallën?

Zgjebja ka mbulur,

dhe mëhallën!...

Në harkun e 3 dekadave, kështu ka ndodhur dhe vazdon trendi, duke ndërruar e qarkulluar vetëm “Barinjtë e tufës”, drejtuesit e instutucioneve, rezultuar të “zgjebosur”, pa e shtrirë “dezinfektimin” edhe mbi vet“Bariun, Tufën, Stallën dhe Kullotën”!

“Dylbitë” e përzgjedhësit, nuk rrokin “barinj” të zot, të pa prekur nga kjo sëmundje dhe të luftojë Virusin: Me nivel intelaktual. Aftësi organizative. Forcë Drejtuese. Mundësi për të korigjuar dhe zotësi për të Drejtuar. Me ndjeshmëri e dhimbsuri njerëzore.Të ndjejnë dhimbjet e të tjerëve, si në trupin e tyre. Të Lumturohen duke lumturuar të tjerët, ndërsa këto monstra; lumturohen duke mjeruar të tjerët!

Nga këto monstara, i përzgjedhin me “lup” nga brenda tufës së “zgjebosur”, pa dalë jashtë stallës!

Rezultojnë në krye të këtyre instituciove, qoftë në rajonet e qytetit të Vlorës, shprehej me dhimbje një ndër kapacitetet e vendit Prof. DR: “Vetëm një drejtues rezulton të jet nga Vlora, ndërsa të tjerët kanë zbritur, si i thonë llafit; “nga 7 male kaptuar”, të katapultuar e graduar në drejtimin e institucioneve të Vlorës!

Ky është një bilanc drithëruese, fyes sa dhe poshtërues i qytetarisë, inteligjencës vlonjate”!

Rast tipik janë, drejtues - rrënuesit e ZRPP- Vlorë, ku me dhjetra e dhjetra “Barinj” janë gjetur e kanë zbritur nga përtej Vlorës. Qëllimisht, duke i përzgjedhur për t’i keqpërdorur, për punë të liga, siç dhe rezulton në këtë institucion, shumë “Barinjë” të zgjebosur, të zbritur nga “qielli”, dhe të venë para drejtësisë, duke u bërë padrejtësi, dhe krime qytetarve.

Të katapultuarit dhe graduarit nga jashtë Vlorës, është një fyerje për qytetin e Pavarsisë dhe të Shqiptarisë. Të ket defiçencë për drejtimin e këtyre institucioneve nga qytetaria vlonjate?!

Një vendas, bir i qytetit do të ndihet më i ndërgjegjshëm dhe i përgjegjshëm, edhe jashtë punës, pa spaletat e zyrtarit, duke ruajtur shiritin e qytetarit, do takohet dhe qafoset, do përshëndetet, do të pijë kafen me bashkëqytetarët e tij, me kënaqësi dhe krenari, sepse u ka ndjerë hallet, nuk u’a ka shtuar, por u ka zgjidhur hallet. E ndjen veten qytetar, midis bashkëqytetarëve të vet, një shërbestar.

Edhe të “zbriturit”, janë në të drejtën e tyre universale, për tu integruar në radhët e shoqërisë, por startimin e këtij integrimi, politika e nis nga spaletat e zyrtarit, pa posedimin e shiritit të qytetarit! Kjo është dhe “setenca, filozofi” e Politikë- Shthurjes!

A mund të tundet dhe të zotroj spaletat e zyrtarit, pa siguruar shiritin e qytetarit?!

Ndaj jemi në këtë Derexhe, të Shtet-Rrumpallës, duke zgjedhur në krye të institucioneve, njerëz që nuk din si i thon llafit të moçëm nga “Pierdh Gomari”!

Rezulton dhimbshëm një bilanc i prekshëm:

Kjo është tufa e zgjebosur e Politikë- Qeverisjes, e cila zbehu Vlerat me Antivtivlerat, Kapacitetet me Skarcitetet, zhvletësoi Moralen me Imoralen, Djersën me Abuzimin, Meritrokacinë me Injorancinë!

“Qeveria e Korruptuar e Kriminalizuar, ka ndërruar vetëm Barinjtë, duke e lënë Zgjeben brënda Tufës, Stallës dhe Kullotës”.

Një bari i moçëm, sapo dëgjoi këtë haber taze, është vënë në “alarm” për të dezinfektuar Zgjeben e rënë rëndë: Ka hapur edhe vaskat për bajëzimin e tufës. Ka siguruar preparatin dhe mjetet e punës: “Me matrapik, lopata e kazma, fshesa e furça; për të pastruar e dezinfektuar stallën, për t’i hequr edhe suvanë. Me pompa për të spërkatur kullotën. Me letër smerile, furçë metalike, për të kruajtur trupin, deri dhe trurin e Bariut të prekur rëndë nga kjo sëmundje”…

I pari që duhet të dallonte, të parandalonte “zgjeben” e tufës, do të ishte vet bariu, të kishte klithur me oi-oi, sapo të shfaqej sëmundja.

Ndërsa bariu dështak i tufës së zgjebosur, shumë vite më parë mblodhi tufën, në stallën e zgjebosur dhe doli përpara: “Unë po largohem si bariu juaj, sepse nuk e parandalova zgjeben, po u futa zgjeben juve dhe vetes”!

Iku, thehu qafën…

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat