Albini si Rugova

Opinione

Albini si Rugova

Faton Mehmeti Nga Faton Mehmeti Më 28 qershor 2022 Në ora: 18:26
Presidenti historik Dr. Ibrahim Rugova dhe kryeministri Albin Kurti

Është bërë më shumë se një vit e gjysmë nga koha kur Albin Kurti u bë kryeministër i Kosovës. Është hera e dytë që Albini bëhet kryeministër i vendit dhe në përgjithësi i teti në rolin e kryeministrit.

Albin Kurti është kryeministri i parë që merr numrin më të madh të votave dhe mbështetjes qytetare.

Tani, një vit e gjysmë pas duhet thënë se Albin Kurti e ka përmbushur në mënyrën më të mirë të mundshme rolin e tij si kryeministër, ai ka ndikuar që të përmirësohet imazhi i kryeministrit të vendit, i dëmtuar shumë nga paraardhësit e tij.

Albini ka bërë të mundur që të rinjtë të besojnë te ëndrrat e tyre, te aftësitë e tyre. Gjithashtu, afërsia e tij me qytetarët ka ndikuar në mënyrë të madhe që kryeministri i vendit të shihet si mbrojtës i të drejtave të njeriut e mbi të gjitha i ruajtës i integritetit dhe sovranitetit të vendit, fatkeqësisht edhe vendi ishte i rrezikuar për shkak të një ish presidenti që për hallet e tij ishte në gjendje edhe ta copëtonte.

Pas Rugovës, Albini është politikani i vendit që ka mbështetjen më të madhe, edhe aq sa i jep asaj fuqi, ashtu ia shton edhe përgjegjësitë.

Duke parë rolin e Albinit edhe në ngritjen e standardit të kryeministrit si institucion, pas Albinit nuk mund më të vijë një kryeministër si ish kryeministrat e mëhershëm, kjo nuk është gjë e pakët, në këtë kuptim kjo gjë vetëm sa avancon vendin tonë në arenën ndërkombëtare.

Ecja e tij në rrugën e Rugovës i ka dhënë asaj atributet e një Kryeministri që nderohet nga bota dhe vlerësohet nga qytetarët e Kosovës. Nëse arrin që edhe kohët e mbetura në postin e kryeministrit t’i kryej si këtë të parin, e them me bindje se Albini do të fitojë edhe një mandat tjetër.

Vendi ka nevojë për udhëheqës me vizion të qartë, të pa-korruptuar dhe me integritet të lartë, duke u përmbajtur këtyre parimeve gjithnjë rolin e tij pozitiv, të cilën gjë më së miri e thonë qytetarët, në anketat e të cilëve Albini gëzon respekt si askush tjetër, vetëm Rugova kishte mbështetje të tillë.

Me pak fjalë, deri tani puna e tij është pozitiv, kjo gjë s`duhet ta vet-kënaq, përkundrazi ta bëjë më të përulur në shërbim të qytetarëve dhe vendit, gjë për të cilën është betuar mbi Kushtetutën. Duhet thënë gjithashtu se Albini ka arritur të ngris Kosovën lart edhe në vlerësimet ndërkombëtare për përformancën e lartë, luftë kundër korrupsionit etj. Diskursi i tij politik, niveli intelektual i tij krahasohet vetëm me Rugovën, të tjerët as nuk vijnë në shprehje. Kjo opozitë s`ka kapacitet ta rrëzojë Albinin.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat