Çerek-shekull, nga “Dita e Selametit”!

Opinione

Çerek-shekull, nga “Dita e Selametit”!

Nga: Fatmir Bajraj Më: 2 tetor 2022 Në ora: 20:29
Autori Fatmir Bajraj

Një ditë pas "Fundit të heshtjes", protestës studentore të së Mërkurës së 1 Tetorit 1997, për lirimin e objekteve arsimore dhe universitare të Kosovës nga regjimi kriminal i Serbisë së Millosheviçit !

"Revolucioni i vonuar" i Qosjes & Co (LPK), i cili kishte djegë e zhbërë "Shqipërinë e Salih Berishës", me t ‘njëjtin skenar "atdhetarë", zbriti n ‘Kosovën martire, për t'ia thye "heshtjen" politikës jo-violente të presidentit Rugova, duke filluar nga puqi në Unionin e pavarur të studentëve të UP-së, deri në formimin e QPK-së!

E Enjte, 2 tetor 1997 !

Në këtë ditë dhe datë "historike", si pasojë e një dite me parë, të 1 Tetor 1997, të gjitha objektet dhe institucionet edukative, arsimore; të dijes dhe shkencës, deri të objektet universitare, përfshi Rektoratin dhe ASHAK-në në Republikën e Kosovës, ishin liruar nga regjimi i Millosheviqit, iu la në duar këtij Unioni studentor, levë ky i LPK-së ç' çlirimtare!

Nga ajo ditë, LPK-ja si strehë e dy fraksioneve "atdhetare", mori përsipër, jo vetëm çlirimin e trojeve tona t ‘robëruara nga Serbia që nga viti 1877 dhe deri të "Molla e Kuqe", por mori mbi vete edhe "përgjegjësinë" historike që t ‘ruaj dhe t ‘marrë në "mbrojtje" Republikën e Kosovës dhe Komandantin e saj Suprem, presidentin historik, Dr. Ibrahim Rugova, por edhe Komandantin Legjendar të rezistencës së armatosur, Adem Jashari, ashtu siç morën në "mbrojtje" ditë më parë, Rektorin e UP-së, Dr. Ejup Statovci !

Nga ajo ditë, popullit të Kosovës dhe veçanërisht tre të lartpërmendurve, nuk u mungoj as qime floku !

"Herë kungull, herë pacerkë" !

Nga ajo ditë, dhe deri në zgjedhjet e para në Kosovën e lirë e t ‘çliruar nga ana e LPK-së (sipas tyre), Kosovën e dominuan ç' çlirimtarët e LPK-së, dy fraksione këto që sot ; njëri në Hagë, e tjetri n ‘pushtet, jo për ta ndërtuar shtetin e Kosovës si imponim të partnerëve tanë strategjik, por për ta arritur "Bashkimin Kombëtar" sipas sloganit "patriotik: "Jo negociata - Vetëvendosje" !

Të presim me kurajë se ku do i nxjerrin tymin, fraksioni i LPK-së n ‘pushtet, LVV-ja dhe lideri i saj i "arrirë", Kryeministri Albin Kurti!

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat