Jehona Lushaku:
Dashuria është shumë interesante.
Atë natë kur i humbëm zgjedhjet, u aktivizua në mua dëshira për t’u thënë votuesve të LDK-së: Ju dua.
Edhe ua thashë.
Dashurinë time popullata e priti mirë.
Kuvendi:
Dashuria u pranua.
Doarsa:
Ne jemi borxhli vetëm ndaj shtratit të LDK-së.
Lumiri:
Shtrati është i rëndësishëm.
Aty janë marrë vendime.
Aty ka pushuar demokracia.
Aty është ruajtur uniteti.
Kuvendi:
Shtrati është institucion.
Doarsa:
Shtrati nuk është personal.
Është trashëgimi.
Kuvendi:
Trashëgimi shtrati.
Kalimi bëhet pa zgjedhje.
Lumiri:
Shtratin nuk e lë askush pa amanet.
Kuvendi:
Amaneti u pranua.
Hykmete Bajrami:
Paramendoje…
të trashëgoj shtratin.
Kuvendi:
Paramendimi është strategjik.
Trashëgimia - emocionale.
Janina Ymeri:
Atë natë kur dështuam, më pyetën:
A je gjallë?
U thashë: Gjallë, bile e fortë.
Kjo përgjigje vjen nga lashtësia, kur shqiptarët kanë përdorë llampa guri.
Kuvendi:
Traditë.
Ndriçim me histori.
Lutfi Haziri:
Dorëheqja kalon nga dera e LDK-së.
Dorëheqja:
Unë jam jashtë.
Po dera është e mbyllur.
Kuvendi:
Hape me dashuri.
Çelësi është emocional.
Adelina Thaçi:
S’kam nevojë as të flas,
as të shprehem,
as të jem aktive,
as të jap kontribut,
as të jem politikane,
as këngëtare…
për t’u bërë deputete.
Kuvendi:
Inspiruese.
Meritë natyrore.
Hykmete Bajrami:
Paramendoje…
të bëhem kryetarja e parë femër e LDK-së.
Krejt ndryshe isha ndjerë.
Jeta do të më kishte pasur krejt tjetër kuptim.
Kuvendi:
Paramendimi u pranua.
Realizimi… mbetet për më vonë.
Avdullah Hoti:
Isa Mustafa më shumë e paska dashur Lumirin se sa mua.
Nuk e kuptoj pse.
Nuk ka arsye.
Kuvendi:
Dashuria nuk ka arsye.
Ka preferenca.
Lumiri:
Kuvend?
Kuvendi:
Të duam.
Lumiri:
Nëse Kuvendi insiston,
unë pranoj të bëhem edhe President.
S’ka problem.
Jehona Lushaku:
Unë mendoj se pas dështimit duhet të flasim më shumë për ndjenja.
Populli ka nevojë të dëgjojë që e duam.
Kuvendi:
Dashuria u shënua në procesverbal.
Me shumicë votash.
Janina Ymeri:
Unë mendoj se dështimi na ka bërë më të fortë.
Si ajo llampa e gurit që e përmenda.
Nuk ndriçon shumë, por është e jona.
Kuvendi:
Ndriçim tradicional.
Hykmete Bajrami:
Paramendimi vazhdon të më japë shpresë.
Ende e paramendoj.
Kuvendi:
Paramendimi është strategjik.
Pa afat.
Avdullah Hoti:
Unë ende nuk e kuptoj pse ai u dashurua më shumë.
Kuvendi:
Dashuria nuk matet.
As shtrati.
Kryetarët shkojnë e vijnë.
Shtrati mbetet.
Lumiri:
E ndjej që po rritet besimi ndaj meje.
Kuvendi:
Besimi është stabil.
Si shtrati.
Besiani:
Jam.
Hikmetja:
Unë po jap dorëheqje nga nënkryetarja.
Kuvendi:
Faleminderit.
Shtrati mbetet.
Trashëgimia vazhdon.
(Ndoshta vazhdon…)
P.S. Bah.
AUTOKRITIKË
Mund të ishe më e mirë.
E di.
Por… it’s beyond my control.
