Kur rezultati është mbi 42% në Kosovë dhe vetëm rreth 3% në diasporë, problemi nuk është vota e saj, por paaftësia për të kuptuar matematikën elementare.
Diaspora dëshiron shtet ligjor dhe institucione funksionale, si në Gjermani, si në Zvicër etj.
Pikërisht sepse jeton në vende ku ligji zbatohet, e jo aty ku kriminaliteti i organizuar merret me politikë.
Ajo nuk e dëshiron një kopje të Shqipërisë dhe Serbisë.
Kuptojeni!
Ajo nuk do gazetarë milionerë.
Ajo nuk do investime të krimit.
Ajo do Prokurori dhe Gjykata të pavarura, jo gjykatës e prokurorë në shërbim të krimit.
Prandaj ajo voton ata që premtojnë shtet juridik, për sundim të ligjit, jo parti që i ngjajnë kriminalitetit të organizuar.
Pa mbi një miliard euro në vit të diasporës, Kosova do të fundosej keq.
Ajo nuk voton kundër Kosovës; ajo voton për Kosovën që dëshiron të shohë.
Mos e urreni mërgatën për mënyrën si voton; pyesni veten pse ajo kërkon atë që ju ende nuk e kuptoni ose nuk e dëshironi.
Pse keni frikë nga shteti ligjor?
Falënderojeni atë, sepse paqen dhe stabilitetin që i gëzoni, i financon edhe ajo.
Edhe shumë nga liderët e UÇK-së ishin pjesë e diasporës.
Jini mirënjohës.
Mos e përbuzni,
mos e shani,
mos e urreni dorën që ju ndihmon!
