Në kampionatin e sapopërfunduar shtetëror për pionier në Kavadar (6 nëntor 2021), karateistët e KK Rinia, kanë fituar dy medalje: një të artë dhe një të bronztë, shkruan gazetari Reshat Ibraimi.
Memet Idrizi (-45kg, i lindur në vitin 2008) doli kampion, kurse talenti tjetër Enes Ramadani (-37kg, i lindur në vitin 2009) zuri vendin e tretë.
Ky është edhe një konfirmin i punës konstante dhe cilësore e KK Rinia, e që më së miri po pasqyrohet me numrin e medaljeve nëpër gara.
Trajneri Seful Osmani po punon me përkushtim të madh me karateistët për të përmirësuar formën e tyre, pas një pauze shumë mujore për shkak të koronavirusit.
Në Kavadar dje u mbajt kampionati shtetëror për pionier, ku karateistët nga komuna e Likovës dëshmuan cilësinë e tyre, duke fituar dy medalje nga po aq garues.
“Falënderimi i veçant për prindërit që na i besojnë femijët e tyre. Zoti iu dhashtë shendet. Poashtu falënderojme të gjithë ata që na mbështesin dhe që po përcjellin aktivitetet tona në vazhdimësi”, deklaroi Seful Osmani, trajner i KK Rinia, për gazetarin Reshat Ibraimi.
Numri i medaljeve të fituara nga karateistët e KK Rinia në historinë e deritanishme është një dëshmi se ky klub është një nga klubet sportive më të suksesshme jo vetëm në komunën e Likovës, por edhe në vend.
