Çeku: 50 milionë euro për Pallatin e Rinisë në Prishtinë

Sporti

Çeku: 50 milionë euro për Pallatin e Rinisë në Prishtinë

Më: 17 dhjetor 2025 Në ora: 16:59
Pallati i Rinisë

Ministri në detyrë i Ministrisë së Kulturës, Rinisë dhe Sportit të Kosovës, Hajrulla Çeku, jep lajmin e madh për Pallatin e Rinisë në Prishtinë.

Sipas tij, do të rinovohet edhe palestra e djegur brenda Pallatit të Rinisë. 

“50 milionë euro për Pallatin e Rinisë në Prishtinë. Rinovim total, përfshirë sallën e djegur, në përgatitje për Lojërat Mesdhetare, dhe në shërbim të sportistëve, artistëve e të rinjve tanë.

Në bazë të marrëveshjes sonë me Bankën Evropiane për Investime, janë angazhuar studiot projektuese që do të hartojnë projektin e rijetësimit të Pallatit, për t’i hapur rrugë më pas edhe nisjes së punimeve.

Ekspertiza profesionale vendore dhe ndërkombëtare është bërë bashkë për të krijuar një model për modernizimin dhe funksionalizimin e plotë të kësaj ndërtese ikonike të kryeqytetit”, ka shkruar Çeku në profilin e tij në facebook.

comment Për komente lëvizni më poshtë
Sot mund të lexoni Shfletoni kopertinat