Kryeministri australian pas vendimit për Gjokoviqin: Tani është koha për të shijuar tenisin

Tenis

Kryeministri australian pas vendimit për Gjokoviqin: Tani është koha për të shijuar tenisin

Më: 16 janar 2022 Në ora: 13:02
Scott Morrison

Për vendimin e gjykatës për dëbimin e Gjokoviqit foli edhe kryeministri australian Scott Morrison.

“Gjykata Federale e Australisë ka vendosur njëzëri të refuzojë kërkesën e z. Novak Gjokovic për rishikim gjyqësor, i cili kërkon të kundërshtojë vendimin e Ministrit të Emigracionit për heqjen e vizës. Ky vendim për anulim është marrë për shëndetin, sigurinë dhe rendin, sepse ishte në interes të publikut, vendimi për të mbajtur kufijtë tanë të fortë dhe popullin të sigurt”, tha kryeministri.

“Qeveria jonë e ka kuptuar gjithmonë këtë dhe ka qenë e gatshme të marrë vendimet dhe veprimet e nevojshme për të mbrojtur kufijtë tanë. Falënderoj gjykatën për veprimin e saj të shpejtë për këtë çështje dhe durimin e të gjithë të përfshirëve ndërsa punuam për zgjidhjen e kësaj çështjeje.

Tani është koha për të vazhduar me Australian Open dhe për t’iu rikthyer shijimit të tenisit”, përfundoi ai

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat