Woods tërhiqet nga US Open: Trupi im duhet të jetë më i fortë

Tenis

Woods tërhiqet nga US Open: Trupi im duhet të jetë më i fortë

Më: 8 qershor 2022 Në ora: 09:38
Woods tërhiqet nga US Open: Trupi im duhet të jetë më i fortë

Tiger Woods e ka konfirmuar që nuk do të merr pjesë në US Open në javën e ardhshme për shkak të problemeve me gjendjen fizike.

Ai shpreson që të rikthehet më i fortë për edicionin e 150-të të Open në “St Andrews” muajin e ardhshëm, përcjell KosovaPress.

46 vjeçarit iu desh të largohet nga US PGA Championship në Maj pas tre raundeve dhe tani nuk ndihet i gatshëm për garën e madhe të radhës.

Përmes një postimi në “Twitter”, Woods tregoi se trupi i tij duhet të bëhet më i fortë në mënyrë që të merr pjesë në kampionate të golfit, por 15 herë kampioni i golfit tha se shpreson që të rikthehet për edicionin e 150-të të Open në “St. Andrews” muajin e ardhshëm.

“Më parë informova USGA-në se nuk do të garoj në US Open pasi trupit tim i duhet më shumë kohë për t'u forcuar për kampionatin madhor të golfit”, tha Woods.

“Unë shpresoj dhe planifikoj të jem gati për të luajtur në Irlandë në JP McManus Pro-AM dhe në The Open muajin e ardhshëm. Jam i emocionuar të kthehem atje së shpejti”, shtoi më tej ai.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat