Nadal sheh fundin e karrierës

Tenis

Nadal sheh fundin e karrierës

Më: 4 nëntor 2022 Në ora: 13:12
Nadal

Eliminimi i shpejtë i Rafael Nadal nga turneu Masters i Paris-Bercy ka vënë shumë pikëpyetje për të ardhmen e tenistit spanjoll. Numri 2 në botë u eliminua që në sfidën e parë në këtë turne, ndërkohë që forma e tij fizike nuk ishte ende e mirë. “Nuk bëra një ndeshje të mirë, por janë gjëra që ndodhin”, tha Nadal pas eliminimit.

“Muajt e fundit kanë ndodhur shumë gjëra, por unë dhe stafi im jemi gjithnjë gati për të gjetur një rrugë të re drejt fitores. Gjithsesi, nuk ja justifikime: Nëse luan mirë do të fitosh, nëse luan keq, do të humbasësh”, u shpreh spanjolli.

Në lidhje me praninë e tij në finalet ATP, pas disa ditësh në Torino, ai shtoi: “Sigurisht që do të jem. Muajt e fundit nuk kanë qenë të përkryer, por kam dëshirë të luaj, nuk kam asgjë për të humbur. Kam nevojë të luaj sa më shumë, të jem sa më shumë me fushat e tenisit, ashtu si dikur”.

“Do të shkoj në Torino më herët dhe dua ta shijoj turneun e fundit të këtij sezoni. Në moshën time nuk i dihet kurrë se kur do të jetë fundi. Ndoshta s’do të jem ende në formën optimale, pasi të luash ndaj më të mirëve duhet ritëm dhe qëndrueshmëri, të cilat për momentin më mungojnë. Ndaj dua të stërvitem dhe luaj sa më shumë për të fituar ritmin e duhur”, tha Nadal..

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat